MIFUMO YOTE INAYOSAMBAZA HUDUMA NDANI YA JENGO HAIPASWA KUONEKANA KWA NJE.

Muonekano wa jengo kwa nje, kwa ajili ya mvuto na muonekano bora haupaswi kuwa na vipengele vingine vyovyote zaidi ya vipengele vya kisanifu vilivyopangiliwa kwa ustadi mzuri kwa ajili ya kuboresha muonekano na kuleta maana inayokusudiwa ya jengo husika.

Kumekuwepo na changamoto kubwa kwenye eneo hili zinaletwa na mifumo inayohusika na kusambaza huduma muhimu katika jengo kama vile mifumo ya umeme, mifumo ya zima moto, mifumo ya maji safi, maji taka, mifumo ya mitandao, televisheni na vitu vingine ambavyo vimekuwa vikipachikwa kwa nje na kuanza kuleta muonekano na maana tofauti ya jengo husika.

Hili limekuwa likipelekea kuharibu na hata kuleta usumbufu kwa muonekano wa nje wa jengo, lakini hata hivyo kukiwa na njia mbadala wa kulitatua sio kwa kuhamishia mifumo hii kuonekana kwa ndani bali kuijengea njia zake zenyewe ambazo haitaonekana wala kuleta utofauti wowote wa kimuonekano kwa nje wala kwa ndani na hivyo kutoharibu ubora, uzuri na maana ya muonekano wa jengo.

Mara nyingi njia bora zaidi inayotumika kuhifadhi mifumo na njia za kupitisha mifumo inayosambaza huduma zote muhimu katika jengo ni uwepo wa “mifereji wima(ducts)”, ambayo imejengwa kama nafasi ndani ya nguzo iliyosimama wima inayosafirisha huduma zote hizi ndani ya jengo.

Kwa kufanya hivi muonekano wa jengo unabaki na muonekano rahisi na kuleta maana iliyokusudiwa kisanifu na kitalaamu.

Architect Sebastian Moshi.

Whatsapp/Call +255717452790.